عجائب و غرائب : زيد ثبت لعل و عسى
!
(الجزء الأول)
-أغزر
عليمين، زيد ثبت عجنب، بالله بعد خليني نتمعن مليح...زعم يطلعوا لولاد.....
يا محرز أشقولك زعم خاطيهم ولا لابستهم الحكاية، ثبت
مليح يا محرز أو خوذ وقتك، الحكاية معقدة و ماهيش ساهلة، الظلم لا إيعيشكم !
وينو ولد خالة الوزة، بالكش عندو معلومات ينفعك بيها يا مولى الإستعلامات يا مختص. راهو عندو أفكار خشينة ياسر سي ولد خالة الوزة، كما هاك
السؤال الدلول إلي جابهولهم
على أول إمرأة قصولها يدها في
تاريخ الإسلام !
تراه، حلو وذنيكوم و اسمعو مليح، هاو الجماعة في
الجوامع تكفر و تهدر في الدم و عاملة شاطح باطح....زعما....؟؟؟...حماس بتاع شباب
غيور، مش هكا لولاد ؟؟؟
إستناو، إستناو...شكون هجميعة إلي ماشين على سقيهم
للبحيرة، و كيران و موتوراط، يا محرز، يا عماد شنية لحكاية زعما ؟؟؟
-ماشين
الدحدح سيدنا !
-حتى
أنا قلت زادة، لولاد ماشين ابدلوا الجو...أكيد...أما استناني عاد، شبيه أولادنا
زادة معاهم ؟؟؟
-فسحة
مشتركة سيدنا، في إطار بناء علاقة جديدة بين رجل الأمن و المواطن !
-حاجة
هايلة برشة......
أما أشنية لحكاية، ياخي مش قلتولي الجماعة ماشين إلى دحدح،
هاهم محضبين قدام سفارة الأمريكان أشفما ؟
-سلمية
سيدنا، سلمية سيدنا، و الوضع تحت السيطرة...كون مهني...
-أشنوا
هذا....تي هاو المولوتوف...هاو السلالم منصوبة و الجماعة كالقرودة يتشعبطو صادمين
على السفارة...يا محرز ثبت مليح بالكش الجماعة و لا بد و نحن ضايعين فيها ؟
-مندسين
سيدنا...أزلام و منحرفين...ما يلزمناش نطيحو في الفخ....
-يا
محرز، هيلاري كشاكشها خارجة و تكلم في الطرطور، يا عماد تهاو الكريموجان عامل
عجعاجي، ياخي مش قتلي سلمية ؟؟؟
-سيدنا،
تفرج فهاك المندسين فاصعين بليزرديناتور تحت ضبابطهم، مؤامرة سيدنا، كومبلو بتاع
كمال لطيف !
-يا
محرز زيد ثبت، ثبت مليح، منحبو نظلمو حد، رانا أمن جمهوري، إيبارك فيكم !
-سيدنا
و تاج راسنا و حامينا من المساءلة، تفرج فالفيديو هاذية و بحول الله الصورة بشتتوضح ...
-هاو
وليدات يعملوا الكيف إيفرقو في التمر و البريك وقت شقان الفطر؛ وليدات تعمل في
دوريات أمنية، شوف هاك الزي الموحد مابنو، وليدات يعملو ستة و ستين كيف.
-ريتو
سيدنا، إشاعات مغرضة و حملات تشويه مغرضة، وليدات تعمل في الخير و تمارس في
الرياضة في الجبولات و يحبو يتبلاو عليهم ولاد لحلال...بحول الله لن يمروا
-الرؤية
بدات تتوضح توا، أما ليطمئن قلبي أعملولي تقرير مفصل، خنسكرو هدوسي و
نتلهاو بمواضيع ما أهم كيما جمال المدن !
... يتبع...
وليد جعفر
سوف ينشر مقال "عجائب و غرائب : زيد ثبت لعل و عسى
! " في جزئيه الأول و الثاني
في العدد القادم لجريدة ضد السلطة
Aucun commentaire:
Enregistrer un commentaire